E Klengdéierenaquarium uleeën
En neit Phänomen erschéngt an der Welt vun der Aquaristik : den « Aquarium mat Klengdéierecher », ouni Fësch.
Vergiesst Filter a Hëtzung, loosst d’Testkëscht an déi deier Apparater stoe.
Eng faszinéierend an hypnotesché Waasserwelt waart op Iech !
D’Wett op déi extrem Einfachheet...
A wat, wann Aquaristik kéint einfach a bëlleg ginn ?
A wat, wann all Mënsch, ouni grouss Virkenntnisser an ouni technesch Komplikatiounen, eng kleng Ecke mat Waassernatur, eng kleng wëll Welt, an der Wunneng oder am Haus kéint hunn ?
Genee dat entdecke Frënn vun der Aquaristik « ouni Fësch ».
- « Ech hunn virun zéng Joer ugefaangen, Aquaristik mat wéineg Technik ze maachen. Ganz séier, wann ee sech mat där neier Aart a Weis befaasst, mierkt een, datt d’Präsenz vu Fësch net onbedéngt noutwenneg ass, a souguer, datt se alles méi komplizéiert mécht. »
Wierklech, déi aquatesch Klengdéierecher a Planze kënnen en herrlecht a berouegend Schauspill bidden. An dat mat vill manner Ënnerhalt wéi en normale Aquarium mat Fësch a mat schwéierer Technik et verlaangt.
Fir verschiddener äntwert dat och op Froen oder Iwwerzeegungen aus ethesch Siicht.
- « Ech war onwuel mat deem Gedanke vu Gefaangeschaft. Ech mengen, mir wäerten engem Fësch ni genuch Plaz ubidde kënnen. Kleng Waasserbëschercher dogéint liewen och an der Natur op wéineg Plaz ! »
Ganz vill Waasserplanze brauchen iwwerhaapt keng Hëtzung, fir ze wuessen an erausstéchend schéin ze ginn. Si brauche just eng gutt Liichtquell. D’Beliichtung ass also wichteg, mee déi meescht Aquarien, déi am Handel verkaaft ginn, hunn elo schonn LED-Beliichtungen, déi ganz duergoen.
Vergiesst also Hëtzung, Filter, Loftpompel a säin esou berüümt Diffusor, CO2-Injektoren, asw.
E puer einfach, séier wuessend Planze reeche fir Äre klenge Waassergarten opzebauen an den Stickstoff an déi aner Stoffer ze verbrauchen, déi duerch de Metabolismus vun den Awunner am Aquarium entstinn. Esouwisou si vun dëse „Offäll“ vill manner do, wann et keng Fësch ginn, déi vill méi vill Dreck maachen ewéi e puer Daphnien an eng Kolonn vu Waasservierm !
Eng räich a variéiert Déierewelt an e puer Liter Waasser !
Wann et keng Fësch gëtt, kann sech dee klenge Mikrokosmos aus eise Weieren usidelen. Dir kënnt déi schéi Blackworms andoen, Ostrakoden aus verschiddenen Aarten, Daphnien, an d’Schnecke vun Ärer Wiel… An déi ganz kleng Welt lieft zesummen, ouni jeemools Problemer ze maachen !
Am Laf vun de Méint wäerten e puer Klengdéierecher méi vill ginn, op Käschte vun aneren. Zum Beispill wäerte sech Är Blackworms am Sand vermehren a bidden Iech de Bletz vun hire faszinéierende Beweegungen, wärend d’Daphnien sech méi zeréckzéien. Da kënnt, ouni datt ee genee weess firwat, erëm eng Zäit wou d’Daphnien sech staark vermehren, bis d’Ostrakoden drun sinn. D’Weis vun de Klengdéierecher wäert Iech duerch hiert Verhalen an hirem Trëppelen amuséieren. Dir gesitt, wéi Koppelen entstinn, wéi d’Weibercher hir Eeër um Bauch droen…
An dat alles ouni Kaméidi, ouni „Maschinnen“, ouni Héichtechnologie. Just Krunnwaasser, dat e puer Deeg stoe gelooss gëtt, net emol de sougenannte « Afueren » ass néideg, dat geschitt natierlech, lues a gefahrlos.
An de Volume ? Kleng Aquarien duer. De Spillfeld vun engem Wuerm ass net grouss an e klengt Sandkärelchen ass fir en enorm ! Dräi Planzen si fir en e richtege Bësch, an eng Klengdéier wäert seelen un d’Grenze vu sengem Mikroterritoire stoussen ! Een eenzege Liter Waasser ass schonn eng riseg Welt fir en klenge Ostrakod !
Kuerz gesot: Ouni dem traditionelle Aquarium, deen an eise Stufen steet, eppes ewechzehuelen, kritt den Aquarium mat Klengdéierecher, dee sech esou gutt fir d’Nokucken an d’Noodeenke eegent, mëttlerweil eng (ganz kleng) Plaz an eise Wunnengen.
Fir méi doriwwer ze gewuer ze ginn : de Blogartikel (mat Video)
Mäin Meditatiouns-Aquarium (um Blog vu Mattier)